AtoJs Online

Kei tēnei AtoJs Online he kohinga pukapuka ā-mati o te Āpitihanga ki ngā Hautaka o te Rūnanga Pāremata, me ngā Pōti me ngā Huihuinga o te Whare Pāremata. I tēnei wā nō ngā tau 1854 ki 1945 tēnei kohinga.

E rua ngā ara matua o te rapu mōhiohio: te rapu me te tirotiro Mā te rapu ka taea e koe te kōkuhu kupu uiui, ka whakahokia mai he pūrongo e pupuri ana i taua kupu. Mā te tirotiro ka taea e koe te tirotiro ngā pūrongo katoa, e tīmata ana ki tētahi wātū, tētahi rōrahi, tētahi wāhanga rānei. Ka taea ngā pūrongo katoa ki te pae nei te rapu, me te tirotiro.

Hei tīmatanga

He tirohanga whānui te whārangi Hei Tīmatanga e whakamārama ana i te whakamahinga o peta AJHR.

Haere ki te whārangi Hei Tīmatanga

Mō ngā Āpitihanga ki ngā Hautaka o te Rūnanga Pāremata

Ko ngā Āpitihanga ki ngā Hautaka o te Rūnanga Pāremata (AJHR), ko ngā "A ki ngā J" ki ētahi, he kohinga o ngā pūrongo e pā ana ki te kāwanatanga i whakaputaina mai i te tau 1858. E hia nei ngā marau kua kapia e ngā pūrongo, e whakapūkete ana i ngā mahi o ngā tari kāwanatanga, tae atu ki ngā momo āhuatanga katoa i mahia e te kāwanatanga, me ngā āhuatanga hoki e pā ana ki te kāwanatanga o te rā.

Kei AtoJs Online ngā pukapuka e toru o Ngā Pōti me ngā Huihuinga o te Whare Pāremata (1854-1856) i puta i mua i ngā AJHR.

Pānuitanga anō

Te tauākī mai i te Manahautū o te Whare Māngai

House of Representatives

Ko ngā Pōti me ngā Whakahaerenga atu i te tau 1854 ki te tau 1856, ko ngā Tāpiritanga ki te Hautaka o te Whare Mānga, atu i te tau 1858 ki te tau 2002 me te tau 2003 hoki, ko ngā raupapa Pepa Pāremata, ko ēnei tuhinga katoa ka whakaputaina i raro i te whakataunga me te mana o te Whare Māngai. Whakahaere ai, tūtohu ai hoki Te Mana Whakawā o te Whare i te tānga o ngā tuhinga pāremata. Nā tōku tūranga, arā, te Manahautū o te Whare Māngai, ka tautokongia katoangia e au te pūtere nei ki te tā ā-mamati i ngā Pōti me ngā Whakahaerenga, ā, i ngā Tāpiritanga ki te Hautaka o te Whare Māngai hoki nā te mea, he whakaharahara te whakawātea atu i ngā tino mauhanga nei ki te marea mā tētahi huarahi ngāwari, me tētahi āhua ka taea hoki te rapu.

Kua tā ā-mamatingia i nāianei ngā pukapuka atu i te tau 1854 ki te tau 1945, ā, kua oti te paenga, inarā, kua oti he whakamārama mō ngā pukapuka katoa o taua wā ēngari, kaua e whakaaro nō tētahi pū whai mana aua pukapuka. Ka mahi tonu te Tari o te Manahautū ki te pupuri mauhanga tārua whai mana kua whakamaua tahingia. Kei te wātea atu ngā tārua hei titiro i taku Tari, i Te Pātaka Rangahau a Te Whare Pāremata rānei. E puritia ana hoki e Te Puna Mātauranga o Aotearoa, e ngā whare pukapuka o te whare wānanga, ā, e ētahi whare pukapuka rahi o te marea hoki he huinga o ngā tārua.

nā Mary Harris

Mō te whakamamatitanga o ngā AJHR

Kua tīmata e te Puna Mātauranga o Aotearoa he hōtaka mahi tahi ki te whakaā-mati i ngā Āpitihanga ki ngā Hautaka o te Rūnanga Pāremata, ā, ka whakaritea kia māmā, kia utu kore hoki te whāwhātanga atu i te ipurangi ki ēnei pūkete nui whakaharahara o te hītori ā-pāpori, ā-ōhanga, ā-tōrangapū hoki o Aotearoa.

Mō ētahi atu kōrero e pā ana ki te kaupapa whakamamati i ngā AJHR, haere ki te whārangi AtoJs Online i te pae tukutuku o Te Puna Mātauranga.

AtoJs Online - Pae tukutuku Te Puna Mātauranga

Ngā Mihi

Tēnei Te Puna Mātauranga o Aotearoa te whakamoemiti atu nei ki te hunga katoa nāna i tautoko te whakamamatitanga o ngā Hautaka o te House of Representatives.

Ngā Kaitautoko matua:

Ētahi atu kaitautoko: