Whakaritenga mahi, manatārua hoki

He pae tukutuku a AtoJs Online (atojs.natlib.govt.nz, te "Pae"), e taurimatia e whakahaeretia ana anō hoki e Te Puna o Te Mātauranga, Te Tari Taiwhenua ("Tā mātou", "Mātou"). E pā ana ēnei whakaritenga mahi ki ngā ihirangi katoa me nga whāngainga tukutuku ka hangaia e te Pae. Mā te tirotiro ki te Pae, ka kīia kua whakaae koe ki ēnei whakaritenga.

Te Āwhina

Mō ngā āwhina, whakapā mai ki atojs@natlib.govt.nz.

Whakawāteatanga ihirangi whānui

Tēnei Te Puna Mātauranga o Aotearoa te powhiri atu ki ngā manuhiri mai i Aotearoa, mai i te ao whānui kia whakamahi i āna pae tukutuku, me te whakatenatena i a koe kia tomo mai, kia hono hoki ki ngā mahi mai i ā mātou kohinga.

Kei roto pea i tēnei pae tukutuku ētahi ihirangi hunga tuatoru kāore pea i puta i Te Puna Mātauranga. Hora ai Te Puna Mātauranga i ngā ihirangi nā te hunga tuatoru mō ngā tikanga mōhiohio anake, ehara i te mea mā konā ka tautoko i ngā whakaaro o roto.

Ahakoa kei te whai nui mātou kia pai tā mātou whakatikatika i te Pae, ki te whānuitanga e whakaaetia ai e te ture, tēnei mātou te whakakāhore, te hātepe hoki i ngā herenga katoa mō tētahi take mō te ngaromanga taonga, mō ngā tono, mō ngā tūkinotanga ahakoa pēwhea) tae atu ki te whakaaro-kore ka ara ake, ka pā rānei ki tō whakamahinga o te Pae, o ngā mōhiohio, o ngā ihirangi me ngā rauemi kei roto i te Pae, o tētahi atu pae tukutuku rānei e hono ana ki te Pae.

Ko te manatārua i roto i ngā Pōti me ngā Whakahaere o te Whare Pāremata

Kāore he manatārua e mōhiotia ana i roto i ngā Pōti me ngā Whakahaere o te Whare Pāremata.

Ko te manatārua i roto i ngā Tāpiritanga ki ngā Hautaka o te Whare Pāremata

Ka puritia pea te manatārua o ngā Tāpiritangna ki ngā Hautaka o te Whare Pāremata (ngā AJHR) e:

  • te Kaituhi o Te Whare Pāremata
  • te hunga tuatoru (kei raro pea i tēnei karangatanga ko ngā hinonga kāwanatanga, ngā rōpū tōrangapū, te hunga kua tāpae kōrero, ētahi atu tāngata rānei).

I ētahi wā

  • kāore kau ana he manatārua (pēnei i ngā pire Kāwanatanga, ngā taukumekume whare pāremata, ngā pūrongo hoki o ngā komiti whāiti),
  • ā, kua mōnehu rānei te manatārua (tae atu ki te manatārua o te Karauna mō ngā puka i whakaputaina i mua atu i te 1 Hānuere 1945).

Te Kaituhi o Te Whare Pāremata

Mehemea e puritia ana te manatārua e te Kaituhi o Whare Pāremata mō ngā AJHR, kua whai raihana te Kaituhi i raro anō i te mana o te Creative Commons Attribution 4.0 International licence (CC BY 4.0). Me kī, kei te wātea koe ki te tārua, ki te tohatoha, ki te whakahāngai i ngā rauemi, engari me mātua whakaingoa koe i te Kaituhi Matua o te Whare Pāremata, me te piri ki ērā atu ritenga o te raihana.

Te manatārua hunga tuatoru

Mehemea e puritia ana te manatārua e te hunga tuatoru, e kore e taea e te Kaituhi o te Pāremata, e te Puna o Te Mātauranga rānei te tuku whakaaetanga ki a koe kia whakamahi anō koe i aua rauemi. Nāu te haepapa kia āta mōhio koe kua whai whakaaetanga koe mai i te kaipupuru i te manatārua hei whakamahi anō i aua mea.

Mehemea kāore koe i te mōhio e puritia ana te manatārua mō tētahi tūemi e tētahi tangata tuatoru, tēnā whakapā mai mō tētahi āwhina ki paperspast@natlib.govt.nz

Kāore he manatārua

Mehemea kāore he manatārua, kua mōnehu rānei te manatārua mō ētahi kai o roto i ngā AJHR, kāore he here mānatārua ki tō whakamahinga i aua kai.

Tēnei mātou te inoi atu nei kia whakaingoa koe i te Puna Mātauranga hei puna mō taua mōhiotanga. Ki te pānuitia anō ēnei rauemi i te ipurangi, ko te hiahia kia puta he hononga ki te wāhi i kitea ai ngā mōhiotanga i tēnei pae.

Ko te manatārua i tēnei pae tukutuku

Kei te tiakina ngā rauemi manatārua i tēnei Pae (kāore e uru ki taua karangatanga ngā Tāpiritanga ki ngā Hautaka o Te Whare Pāremata; tirohia ngā whakamārama i runga ake nei), e te manatārua o Te Karauna, e puritia nei e Te Puna o Te Mātauranga hei kanohi mō te Karauna. Hāunga ngā wāhi kua tohua i runga ake nei, he mea raihana ēnei rawa manatārua kia whakamahia anō i raro i te Creative Commons Attribution 3.0 New Zealand licence.

Creative Commons License

Me kī, kei te wātea koe ki te tārua, ki te tohatoha, ki te whakahāngai hoki i ngā rauemi, engari me mātua whakaingoa koe i te Puna o Te Mātauranga hei puna, me te piri ki ērā atu ritenga o te raihana. Kia mahara kāore tēnei raihana e pā ki ngā tohu, ki ngā tohu ā-kara, ki ngā waitohu hoko rānei i te pae tukutuku, ki ngā wae hoahoa o te pae tukutuku rānei. Kāore aua rauemi motuhake e whakaaetia ana kia whakamahia, me mātua kimi whakaaetanga motuhake.

Pānuitanga tūmataiti

Ka tiakina o mōhiohio whaiaro (ngā mōhihio ka tautuhi i a koe hei tangata), ā, ka aro nui mātou ki ōu matatika i raro o te Privacy Act 1993.

Ka taea e koe te tirotiro i tēnei pae tukutuku me te kore homai i ngā mōhiohio whaiaro.

Ki te tuku mai koe ki a mātou ōu mōhiohio whaiaro (hei tauria tō wahitau ī-mēra ina tuku pātai rangahau mai)ka whakamahia ngā mōhiohio whaiaro mō te take anake i tukuna mai ai e koe.

Ka ngana kaha mātou ki te tiaki i ngā kōrero ka tukuna mai kia noho haumaru, ka kore mātou e whakaatu ki ētahi atu ina kāore i a mātou tō whakaaetanga. Ki te uru mai, ki te whakatika i ngā mōhiohio whaiaro e pupuritia ana e mātou, he āwangawanga rānei mō ngā mōhiohio whaiaro e pupuritia ana e mātou, tēnā whakapā mai. Ka taea te īmēra mai me ōu āwangawanga tūmataiti: atojs@natlib.govt.nz

Pāremata

Tērā pea ka kīia ō ī-mēra, mōhiohio hoki he pūkete tūmatanui, ā, ka puritia i raro i ngā here o te Public Records Act 2005. Ka herea pea mātou ā tōna wā kia whakapuaki i aua rauemi i raro i te Official Information Act 1982, ki tētahi Komiti Whiriwhiri o te Whare Pāremata rānei, ki te Pāremata tonu rānei hei whakautu ki tētahi Pātai Whare Pāremata.

Takitakitanga o te whakamahinga pae tukutuku

Ki te toroa e koe tēnei pae tukutuku ki te pānui, ki te tikiake rānei i ngā mōhiohio, ka kohia ngā mōhiohio tatauranga me te take o te toronga mai ki te paetukutuku.

Kei roto i ēnei mōhiohio ko ngā tauwāhi tūmau, te ingoa puni taumata matua, te rā, te wā hoki o te toronga, ngā whārangi i whakaurua, me ngā tuhinga i tikiake, te pae i toroa i mua, me te momo pūtirotiro i whakamahia.

Nā ngā tatauranga pae ka āhei mātou ki te tiro i te nui o ngā kaitoro ki ia wāhanga o ā mātou pae tukutuku, te tautuhi i ngā mōhiohio e hiahiatia ana, te arotake i te haere o te pūnaha, ā, hei āwhina i a mātou ki te whakarite ake i ā mātou pae kia pai ake ai ki ngā kaitoro mai. E kore ngā tauānga pae tukutuku mō te kaiwhakamahi e tukua hei whakamahi mā ngā mahi kaipakihi o te hunga tuatoru.

Pihikete

He kōnae iti noa iho ngā pihikete ka tukuna mai i tētahi pae tukutuku a ka penatia ki te kōpae mārō kei tō rorohiko. Ka whakamahia ngā pihikete pūtirotiro e tēnei pae tukutuku hei whakarato i ngā mōhiohio taturanga kua whakamāramatia i raro i te "Takitaki i te whakamahinga o te pae tukutuku". Ka whakamahia hoki ngā pihikete e tēnei pae tukutuku kia maumahara ki ngā rapunga o mua. Ka taea ēnei te kite i raro i Hītori Rapu. Ka taea e koe te tango ā-ringatia ngā pihikete i te wā e hiahiatia ana. Kei ngā mōhiohio "āwhina" o tō pūtirotiro ngā tohutohu.

Te Whakahoutanga

Tērā pea mātou e whakahou i ēnei ritenga whakamahi ā tētahi wā. Ka whai mana aua whakahoutanga, kia whakamōhiotia mā tētahi pānui, mā tētahi atu whakapuaki rānei i te Pae.

Ngā rohe ā-ture me te ture whai mana

Ko ngā ritenga whakamahi he mea here e ngā ture o Aotearoa, me noho ki reira hoki ōna whakamārama, ā, kei te whakaae koe kia noho koe i raro i te rohe ā-ture o ngā kōti o Aotearoa.